Ndihmoni në zhvillimin e sistemit operativ GNU

• Shkruani doracakë dhe dokumentim tjetër të lirë për software-e GNU.
• Propozojini paketat tuaja të dobishme software për paketa GNU. Shihni informacionet mbi vlerësimin e software-it GNU.
• Shkruani një zgjerim Firefox-i që do të zëvendësojë kodin jo të lirë Javascript në ndonjë sajt të dobishëm (kur ai kod jo i lirë bllokohet prej LibreJS-it). Ju lutemi, shihni udhëzimet dhe sugjerimet tona.
• Kontribuoni te një nga Projektet e Software-it të Lirë Me Përparësi të Madhe.
• Lista GNU Help Wanted është lista e përgjithshme e punëve lidhur me paketa software GNU. Mund të shihni edhe mundësinë e marrjes përsipër të një prej paketave GNU të pamirëmbajtura.
• Ka të tjera projekte me të cilat do të ishte mirë të punohej.
• Merruni me një projekt nga lista e FSF-së së projekteve shumë të rëndësishme të software-it të lirë.
• Përmirësim i funksionimin nën aftësi të kufizuara i software-it të lirë dhe faqeve web, për të plotësuar nevojat e krejt përdoruesve, pavarësisht aftësive të kufizuara.
• Nëse jeni një student dhe ju duhet të bëni një projekt zhvillimi software-i, kontribuoni duke e dhënë për GNU-në. Shihni se si ta bëni universitetin t’ju lejojë ta hidhni në qarkullim si software të lirë.

Ju lutemi, bëjuani të ditur Bashkërenduesve të Vullnetarizmit te GNU <gvc@gnu.org> nëse nisni një pakete të re që e gjetët në këto lista. Duam të ndjekin se mbi cilat projekte po punohet.

Kur shkruani software për GNU-në, ju lutemi, ndiqni Standardet GNU të Kodimit dhe dokumentet Informacion për Mirëmbajtës të Software-it GNU.

Ndonjëherë na ofrohet software që bën në thelb të njëjtën punë si një paketë ekzistuese GNU. Edhe pse, sigurisht, i vlerësojmë të gjitha ç’na ofrojnë, kuptohet që do të donim të inkurajonim programuesit ta shpenzojnë kohën e tyre duke shkruar software të lirë që bën gjëra të reja, jo për gjëra të kryera tashmë. Ndaj, përpara se të filloni një program të ri, ju lutemi, kontrolloni te Lista e Software-it të Lirë për software të lirë që bën tashmë atë që doni të bëni ju.

Për zhvilluesit e software-it GNU mund të ofrojmë disa burime.

Bashkërenduesit e Vullnetarizmit te GNU-ja <gvc@gnu.org> mund t’ju ndihmojnë, nëse do të donit të ndihmonit në zhvillim software-i GNU. Ata do të jenë në gjendje t’ju lidhin me të tjerë persona të interesuar për projekte të ngjashëm, ose që po merren me to. Kur të keni përzgjedhur një paketë nga listat tona, ju lutemi, bëjuani të ditur që interesoheni për të punuar me të.

Programe të rëndësishëm, të vegjël e deri te mëdhenj, që nevojiten

• Program i lirë që mund të përftojë muzikën sfond

Ndihmoni në përkrahjen e zhvillimit dhe përdorimit të GNU-së

Kjo listë është radhitur pak a shumë me gjërat më urgjente në krye. Ju lutemi, mbani parasysh që mjaft gjëra në këtë listë janë lidhje që shpien te lista më të gjera, më të zgjeruara.

• Ndihmoni te Savannah. Jemi duke kërkuar veçanërisht për vullnetarë me njohuri teknike në administrim sistemesh, për të na ndihmuar në mbulimin teknik të infrastrukturës së saj. Janë shumë të mirëpritur vullnetarë që të na ndihmojnë me parashtrime projektesh në pritje të shqyrtimit. Ju lutemi, shihni këto hollësi të përgjithshme se si të bëheni një hacker te Savannah. Ju lutemi, lidhuni me ne përmes listës së postimeve savannah-hackers-public.
• Organizoni një Grup Përdoruesish GNU/Linux të ri.
• Dilni vullnetar për përgjegjës sajti GNU. Fillojani duke plotësuar pyetësorin për përgjegjës sajti.
• Përktheni në gjuhë të tjera sajtin GNU. Çdo ekip përkthimi lyp disa anëtarë që gjuhën e synuar e kanë gjuhë amtare (dhe që janë të rrjedhshëm në anglisht), por lyp gjithashtu të paktën një anëtar që anglishten e ka gjuhë amtare (dhe i rrjedhshëm në gjuhën e synuar.) Më tepër hollësi rreth kësaj fushe mund të gjeni te Udhërrëfyesi mbi Përkthimin e Faqeve Web të www.gnu.org. Nëse dëshironi të ndihmoni, na shkruani <web-translators@gnu.org>.
• Na duhen folës që anglishten e kanë gjuhë amtare, me njohje të mirë të gjuhës, për korrektim teksti anglisht shkruar nga mirëmbajtës paketash GNU dhe vullnetarë të tjerë.Këto tekste mund të jenë artikuj mbi subjekte të ndryshme të lidhura me software-in e lirë, dokumentimin, ose ndonjëherë doracakë GNU që duhen përgatitur për shtyp. Për të ndihmuar te kjo, ju lutemi, pajtohuni te lista me pak trafik e korrektorëve të dokumentimit GNU.
• Kur flisni me njerëz që nuk e çmojnë lirinë dhe bashkësinë, mund t’u tregoni atyre mjaft përparësi teknike të software-it të lirë (shihni Pse Burimi i Hapët / Software-i i Lirë Ia Vlen? Shihni Numrat! për disa fakte të dobishme). Por mos lini pa përmendur gjithashtu çështjet etike! Mos e ndryshoni zërin tuaj në zë burimi të hapët, për shkak të presionit nga ata.
• Bëni të mundur që ese prej ndarjes sonë mbi filozofinë dhe të tjera URL GNU lidhen te kategoritë e duhura. Nëse dëshironi të ndihmoni në këtë fushë, ju lutemi, lidhuni me Bashkërenduesit e Vullnetarëve GNU <gvc@gnu.org>.
• Dhurojini FSF-së hardware.
• Nëse ju ose shoqëria juaj merreni në një farë mënyre me asistencë ose zhvillim software-i të lirë, mund ta paraqisni veten (ose shoqërinë tuaj) te Lista e Shërbimeve.
• Nëse keni një shoqëri e cila ka nevojë të punësojë njerëz për të punuar me software të lirë, mund të bëni kërkesë te Faqja jonë e Punësimeve në Software të Lirë.
• Mund të ndihmoni duke u lidhur me shoqëri që duan të postojnë njoftime punësimi, që ta bëjnë këtë te Faqja jonë e Punësimeve në Software-in e Lirë. Nëse do t’ju interesonte kjo, ju lutemi, lidhuni me <job-page@fsf.org>.

Tregojuni të tjerëve rreth Projektit GNU dhe Lëvizjes për Software të Lirë

• Njoftojini miqtë tuaj rreth filozofisë dhe software-it GNU.
• Kur i referoheni sistemit operativ që zuri fill si GNU-ja me Linux-in shtuar atij, quajeni GNU/Linux dhe mos u shkoni pas atyre që e quajnë “Linux”. Pasi njerëzit të jenë të ndërgjegjshëm se çfarë keni bërë deri sot, në vend se kjo t’i atribuohet të tjerëve, ata do t’i përkrahin më fort përpjekjet tonë të tashme dhe të ardhme. Kjo lloj ndihme zë shumë pakë kohë, pasi të keni harruar huqin e vjetër.
• Shpaloseni përkrahjen tuaj për lëvizjen e software-it të lirë dhe idetë tona të lirisë për përdoruesit e kompjuterit, duke thën “ software i lirë”, “software libre” ose “software i lirë/libre”.
• Shmangni termin “burim i hapët” që përfaqëson hedhje poshtë të idealeve tona.
• Shtoni një lidhje për te ky sajt te faqet tuaja hyrëse.
• Këshillojuni të tjerë të bëjnë gjëra nga këto.
• Ofroni Instalim GNU/Linux-i ose asistencë rreth tij në brezin tuaj kohor vendor.

Ndihmoni të përmirësohet h-node.org

h-node.org është një sajt që përmban të dhëna rreth se sa mirë funksionon një hardware i caktuar me software-in e lirë.

Ndihmë duhet për:

• Mirëmbajtjen dhe përmirësimin e wiki-it të h-node.org.
• Përmirësimin e h-source mbi të cilin bazohet h-node.org dhe h-client një program desktopi për parashtrim të dhënash pajisjeje te h-node.org.
• Sugjerim hardware-i të ri që do të duhej të shtohej te baza e të dhënave.

Për rrugë të tjera për të ndihmuar, shihni https://h-node.org/wiki/page/en/Main-Page. Për t’u lidhur me përdoruesit/zhvilluesit e h-node.org, përdorni listat e tyre të postimeve.

Aktivizohuni vullnetarisht me Free Software Foundation dhe dhuroni për të

The Free Software Foundation është sponsori parësor organizativ i Sistemit Operativ GNU. FSF-ja gjithashtu ndihmon të përhapet ndërgjegjësimi për çështje etike dhe politike të lirisë së software-it.

Ashtu si GNU-ja, FSF-ja shumë prej fuqisë së saj e merr prej vullnetarëve. Është një vend shumë interesant për t’u aktivizuar si vullnetar dhe një bashkësi shumë interesante për pjesëmarrje, veçanërisht nëse nuk keni kuadrin teknik të nevojshëm për të kontribuar drejtpërsëdrejti në zhvillimin e software-it të lirë. Hidhini një sy faqes së vullnetarizmit të FSF-së, sa për t’ia filluar ose kreut që të mësoni më tepër rreth organizmit tonë.

Përkrahni financiarisht FSF-në dhe Projektin GNU duke u bërë një anëtar shok i FSF-së, duke dhuruar për FSF-në, duke blerë doracakë, bluza, ngjitësa dhe sende të tjera prej FSF-së, ose duke shitur software të lirë dhe duke dhuruar një pjesë të fitimeve për FSF-në ose tjetër organizëm software-i të lirë. Duke financuar zhvillimin e tij, mund ta shpini më tej botën e software-it të lirë.